ARKAB NAKHEEL 2004
Ziadi Nazeer x Arkab Neeli


Die kombinasie van super uithourit gene.  Nakheel is besonders vinnig op sy draf en gallop, hy het ‘n vloeiende gemaklike beweging wat hom ook gemaklik onder saal maak.

Ziadi Nazeer was ‘n multi wenner oor 80 – 160km, daar word van hom vertel dat sy ruiters, meestal Pierre Briers op ‘n rit sou besluit om te wen, dan wen hy, anders besluit hy op ‘n stadiger rit, dan hardloop Nazeer weg en dan wen hul in elk geval!  Hy was ook Pierre se perd toe hy gekies is as Springbok en tweede op Fauresmith gekom het.

Op 20 jaar oud was Nazeer se bene so skoon asof hy nog nooit uithouritte gery het nie!

Arkab Neeli het self uithouritte gery met 1 Fauresmith, toe het ons haar afgetree om te teel.  Sy is die ma van ons legendariese Arkab Mirarti ( 17 160km’s met 13 keer 1^st en 8000km voltooi) en sy suster, Arkab Tharna wat baie goed presteer het met Anneri Willemse.   Sy is ook die dogter van Quimran Wodka wat op sy dag 3 keer die hoogste rang beklee het as hings vir teel van uithourit perde.  Verder is Neeli se ma uit dieselfde lyn as onder andere, Morgenson Mona-Lisa van springbok Biffie de Wet, wie 5 keer Fauresmith gery het, 1ste keer top 15, daarna 1 top tien,  3 top 5 waarvan 2  x 2de plekke.                                                               

Die moederlyn van Indian Glory deur na Quimran Mooi Meisie is alom bekend vir die top presteerders wat uit hulle geteel is.

Met so ‘n teling -  hoe kan hy anders as om tops te wees?